We Make!
Gure sustraietan, “ondo egitea” dago; egiten ditugun produktu guztien bidez munduan zehar ibiltzen dena, gure mugez beste aldera joaten dena, eta gure industria-kulturaren bereizgarri dena.
Gure produkzio-baliabideak merkatuaren aukera oroko berrietara bideratzen ditugu, gure industria-ekosistemak hurbileko zerbitzu ona emateko eta edozein fabrikazio-proiekturi aurre egiteko aukera ematen baitigu.
Horri esker, enpresa-talde handiak eta euren sektoreetan aitzindariak diren enpresak sortu dira gure barrutian, gure fabrikazio-ahalmenaren adierazgarri. Hona hemen talde eta enpresa horietako batzuk: Danobatgroup, Etxe-Tar Group, Grupo CIE, Grupo Egile, Grupo Mek, Maher Holding, Grupo Cometel, EPC Group, Orbea, ABC Compresores, Jaz Zubiaurre, Masermic, Microdeco eta AVS Added Value Solutions.
Fabrikatzaileak gara
Debabarrena Euskadiko industria-garapenaren gune nagusietako bat izan da. Mendeetan zehar, armagintza izan da eskualdeko espezializazio handia. Industria horretatik, askotariko produktuak eta hainbat enpresa-mota sortu dira.
Hamarkadetan zehar lortutako ezagutzak eta trebezia gabe, ezinezkoa izango zatekeen eskualdeko industria-dibertsifikazioa. Halaber, eskualdeko biztanleen izaera ekintzailea erabakigarria izan da.